涂谨申自爆“泛民”不受欢迎

   中国国际新闻台（www.ciftv.com）11月4日讯 梁颂恒、游蕙祯前日暴力冲击立法会会议室，搞到六位保安受伤送院，身为“泛民”大党嘅民主党就光速割席，批评有关做法，又话宣誓风波由他两个一手造成，他哋要承担后果喎。唔知民主党系咪仲好劳气，寻日涂谨申出席电台节目嗰阵，继续闹“青政”，他话“青政”两人行为完全无顾及其他人安全，仲同十几个助理，“一二三，冲！一二三，冲！”当时嘅力度系十分大，令到保安受伤。

　　阿涂愈讲愈激气，话梁、游从来都唔会坐低同其他“泛民”议员倾，只系试过到场“通知”有关行动嘅部署，而唔系同“泛民”讨论，所以感到他两个好讨厌“泛民”，尤其系民主党。老实讲，阿涂唔系真系咁傻猪啊？而家先知“青政”讨厌“泛民”、讨厌民主党？一早就唔应该包庇他两个啦！他哋由始至终都系利用“泛民”，如果唔系搞到咁大镬，梁、游唔会理“泛民”啦！大爱喎！包容喎！嘥气啦！“青政”咪有事“泛民”，无事松人。归根究柢，如果唔系民主党、唔系“泛民”支持“占中”，支持破坏法治行动，就真系唔会搞成咁啰！